本月二十七日，英格蘭足球勁旅利物浦就會同香港隊喺大球場打番場表演賽，無論你排通宵撲飛去現場睇，或者安坐家中開大冷氣睇電視直播，如果一身利物浦打扮就肯定更加有Feel，最新運到紅軍精品，第一時間話你知。
大熱天時，羊毛頸巾當然不會用來保暖，喺大球場上揮動這條色彩鮮豔的頸巾，高唱紅軍會歌《You'llneverwalkalone》，話唔定奧雲仔和謝拉特等靚仔球星會上前同你握手嘅。
用利物浦最新款球衣做嘅咕𠱸（紅黑兩色），得意又好攬，坐喺梳化一邊睇波，一邊當奧雲仔咁攬就一樂也。
表演賽打日波，烈日當空當然唔好受，戴住頂利記會徽嘅鴨舌帽就唔怕曬黑塊面啦。
利物浦球星如雲，球迷最想就係攞簽名，有呢支利記原子筆，球星簽起上嚟就特別有歸屬感。
足球並唔一定用來踢，呢個五吋直徑的小型足球，上面印滿利物浦會徽，係fans最佳收藏品。
一邊睇波一邊歎杯凍飲就最爽，兩款印上奧雲、謝拉特肖像及球衣號碼的茶杯，忠實球迷肯定會買番隻呢！
圖：梁祖彝文：盧漢傑
