一拖再拖之下，福士部全天侯SUV─Touareg，代理終於落實響今個星期四（7月24日），正式跟香港廣大車迷見面。眾所周知，福士Touareg跟保時捷Cayenne份屬姐妹作，底盤及裝置相若，惟各自配用不同嘅引擎和外殼，前者嘅保時捷Cayenne走高性能CitySUV路線，車價動輒要百萬過外，而後者福士Touareg路線較平實，既係一款大眾化嘅CitySUV，而本身頂級型號所配備嘅氣壓避震，加埋全天候嘅四驅功能，重有攀山涉水嘅能耐㖭！據亞Mark所知，代理將會以3.2公升V6版打頭陣，車價跟早前提及嘅相近，而遲吓年底前，待頂級嘅Touareg4.2V8型號右軚版生產後，亦會正式跟香港車迷見面㗎！