女子組合Twins成員蔡卓妍（阿Sa）早前在橫店拍攝電影《古宅心慌慌》，但由於她中暑發高燒，結果未能隨大隊返港，昨日早上十一時，阿Sa獨自回港，她看來精神不錯，當記者向她提及楊受成及英皇高層被廉署拘捕一事時，阿Sa還裝儍扮懵，答非所問。
阿Sa說：「我唔知呀，係人都知我喺荒山野嶺拍戲，與世隔絕，唔清楚呀。」對於公司高層被捕，阿Sa會否感到擔心？她竟無厘頭地說：「我哋會好努力做嘢。」問她為甚麼要努力工作，阿Sa故意左閃右避說：「一年三百六十五日都要開足工㗎啦。」那麼阿Sa曾否致電楊受成？她說：「因為自己乜都唔知，返嚟了解吓件事先啦。」
阿Sa透露回港後要去看醫生，她說：「中暑之後，我對唔到focus（焦點），返嚟要睇眼科，上面又有好多蚊，咬到成身都係，所以要睇埋皮膚。」
此外，Twins明日將推出首張英文兒歌卡拉OK，在明日舉行的記者會上，有關方面還會展出由三藩市糖豆藝術家RogerRocha以一萬粒糖砌成的TwinsJellyBelly糖豆畫。