無綫劇集《金牌冰人》演員張可頤、馬浚偉和嘉碧儀等，昨日在銅鑼灣富臨飯店筵開五席，大歎鮑魚宴，其間眾藝員分成三組玩切鮑魚遊戲，可頤俯身時更春光乍洩。
白韻琴前日大爆有電視台高層暗示，選美佳麗可陪他睡覺換獎，問港姐出身的張可頤當年可曾有此遭遇？她說：「當年冇人接觸過我，我都唔入三甲，我嗰屆好公平，當年譚小環風頭好勁。如果真係有黑幕，會對啲冇背景、冇靠山嘅人好唔公平。」
對於無綫高層何麗全被拘捕，張可頤說：「唔方便發表意見，好似有啲部署咗好耐嘅嘢突然爆炸！」
此外，昨日兩台公布收視，由麥浚龍、胡杏兒和林峯主演的無綫劇《律政新人王》首周播映，吸引二百萬觀眾收看，成績理想。
採訪：楊潔雯 攝影：陳慧安