賭王何鴻燊噚日喺一號戒備信號下路經中環辦公。賭王日前以個人名義入稟追租霸十一萬元租，對此佢咁樣解釋：「呢啲係二、三十年前嘅事，都唔記得喇，奀到極，咁多間加埋都唔夠二百萬，呢啲唔使我理㗎喇！」
賭波合法化惹爭議，賭王就大表支持，「好到極，有競爭先有進步，唔怕影響澳門，總之好到極。」而對白韻琴前日大爆電視台高層淫史，曾任多屆港姐評判嘅賭王似乎就即刻劃清界線，「我冇乜做評判，係做過港姐咋！」
（圖）何鴻燊（左二）對於賭波合法化大表支持，重唔怕影響到澳門嘅生意㖭。
傳真︰2623-9278
電郵︰