Plextor宣布喺九月開始，推出一系列8倍速燒錄DVD機，打破目前市面上最高4倍燒錄嘅樽頸位。首先係兩款內置式IDE型號登場，到十月中再有一款外置式型號推出，型號為PX-708UF，特色係外形設計一流，兼且同時備有USB2.0及FireWire兩種高速介面，燒錄DVD+R更達8倍極速，相當之厲害。PX-708UF日本估計售價為39,000日圓（約港幣$2,353），以規格及賣相計唔算太貴。各款燒碟機均內置2MB緩衝記憶體，減低燒壞碟嘅機會。順帶一提，PX-708UF除銀色機殼外，預計重會推出12種唔同顏色機殼，潮流用家大可揀番襯自己部電腦嘅顏色。
記者：徐影龍
相關網址：