早前，備受香港汽車首次登記稅困擾，而令唔少有興趣嘅車迷望而卻步的英國賓利ContinentalGT跑車，於較早前廠方安排一眾各地傳媒，雲集英國蘇格蘭作實地測試。呢款自納入德國福士集團後，首度研製生產嘅2+2高性能SuperCar，以一台5998ccW12TwinTurbo引擎作骨幹（馬力560匹，扭力66.3kgm），並輔以最新6前速自動波箱，凌厲嘅起跑加速性，並未因為本身車重而有所影響，0至100公里不過4.8秒，極速更高達318km/h咁快㖭！除咗賣相予人有一份優越及獨特感外，車廂鋪排亦盡見傳統賓利跑車嘅豪邁本色。
雖然本地車迷暫時未能盡窺全貌，惟筆者打探得知，香港代理正計劃響嚟緊嘅9月，安排呢部ContinentalGT跑車於珠海賽車場，一展超卓操控及狠勁性能演繹，屆時車迷就真係要拭目以待喇！