事隔兩年，我羅拉又要再次出動。話說在深海中埋葬了一個傳說中擁有驚世力量的「潘朵拉盒子」，我千辛萬苦潛到水底尋寶，本來已經得手，點知轉個頭就被犯罪集團首腦（任達華飾）盜走，為了搶番呢件古寶，我更要登山涉水走遍肯雅、威爾斯、希臘、非洲坦桑尼亞，甚至會來到香港，最終我可唔可以奪回那件寶物？自己入戲院睇啦。
《盜墓者羅拉：生命之匙》於今個月31號在香港正式上映，不過今次你可以帶埋我返屋企，因為我的吸塑Figure早於一個月前已經面世，而陶瓷版就即將推出，有半身及全身兩款，表情與肌肉不但比吸塑版更細緻，而且各限量發行1500個。講到造型當然唔少得我今集着嘅呢套銀色招牌戰衣，以及超型的揸槍姿勢。你都想日日對住咁索嘅羅拉吧！
記者：招佩珊
查詢：TOY2R 電話：27233233