有時候選擇太多，未必是一件好事。面對眼前二百多款嘅名牌手表，你可能早已被甚麼G-Shock、Baby-G、Zucca搞到頭昏腦脹。然而，每每在減價時刻，手快有手慢冇嘅情況下，你又不能墊高枕頭慢慢諗。不過，如果你認識Naho，你的問題不但會迎刃而解，而且更會喺呢個「表海」中搵到至潮至抵嘅靚表。
記者：馬慶武 攝影：陳陶鈞
Model：Tammy（SunSpot）
逢星期一至三出版
姓名：NahoFujimoto
年齡：二十多歲
國籍：日本
職業：Slazenger駐港
ChiefFashionDesigner
身為日本潮流人，Naho深諳港日潮流走勢，而且對手表重好有研究，專攻年輕款式。佢最鍾意戴CasioG-Shock，貪佢潮得嚟功能又勁。採訪當日，Naho手戴嘅都係CasioG-Shock嘅Frogman，佢話𠵱家唔興太過女裝款嘅斯文表，最型係戴一啲中性啲大大隻又粗獷嘅表款。就喺呢個大原則下，Naho幫我喺呢二百款手表中，篩選出最潮最型嘅八隻表。
原價$920 特價$490
只見Naho第一時間飛身拎咗呢隻Zucca表嚟戴，就知呢隻表有幾潮啦。Zucca出嘅表一向都好有風格，設計突出，最撐日牌嘅楊千嬅就有齊晒成setZucca表。當中包括呢隻豹紋膠表，雖然唔係新款，但係款式一啲都唔out，而且有齊防水、夜光等功能，減到半價都值得一買。
原價$930 特價$480
BabyG嘅W.C.C.S.海洋環保特別版，除咗顏色配搭充滿海洋味道外，按着夜光燈更可見到魔鬼魚圖案。
原價$2,500 特價$890
今次最抵買肯定係呢隻CasioProteck爬山表，擁有測高度、氣壓、溫度、步速及100米防水等專業功能，而且外形亦夠Pro夠型。
原價$900 特價$680
G-ShockX-treme嘅世界盃三冠滑浪賽限量版，防水200米兼能承受撞擊。𠵱家咁興玩X-Game，戴住呢隻X-Game限量版就梗係潮啦。
原價$1,980 特價$1,390
星辰潛水表200米防水，可顯示世界時間。份量十足又墜手，今次減價嘅負責人就話因為來價唔平，所以雖然減唔到去半價，但已經係蝕本價錢。
原價$460 特價$168
呢隻Casio表名叫FilmWatch，擁有鏡面超薄表身，加埋行針及跳字顯示，好有懷舊感覺。
原價$800 特價$490
星辰Independent1481010嘅特別版，點解啱漫畫迷？因為呢隻係美國勁Hit嘅再生俠特別版，而且屬幾年前貨色，𠵱家想買番都難。
原價$595 特價$498
呢隻o.d.m.VividII先減得嗰一百蚊梗係唔夠吸引啦，但係𠵱家買就送埋同系嘅超迷你嘅收音機，顯示屏重可以走字顯示圖案時間，咁就抵買好多喇。
梁先生：「我平時戴開勞力士，不過打波行山無理由戴住隻『撈』㗎，趁減價買番隻爬山表襯outdoorlook就最好。」
Jerry：「雖然話有成二百幾款表，但係款靚又減得平嘅唔係好多。我就梗係買G-Shock啦，你睇我𠵱家都戴緊，三冠嗰隻幾靚，減咗三百蚊都OK啦。」
減價日期：7月21日至27日
減價地點：沙田新城市廣場第3期西田百貨展銷場/26941111
今次減價喺西田展銷場裏面搞，除咗有超過二百款手表外，重有衫、褲、鞋、背囊減價，包括Puma、Nike、Everlast等運動品牌，買完表記得順便掃埋運動服。
原價$499 特價$300
呢對Puma踩踭波鞋，鞋踭位置採用較軟物料製，行街可以正正常常包踭着，去到沙難就可以變身一對踩踭波鞋。
原價$439 特價$260
02年世界盃期間推出嘅Nike中國加油！Libretto，鞋舌繡上「中國加油！」四字，買番對紀念吓中國隊首次進軍世界盃決賽周。
原價$199 特價$70
傳統背囊款式，勝在勁多顏色花款選擇，鍾意點襯都得。