上星期，寶馬代理喜事一樁接一樁，皆因東南亞首個MiniCentre同寶馬電單車展館，相繼響周五及周末正式開幕，而廠方大中華區總裁GuntherSeemann，重親自前來慶賀㖭！近年，寶馬車廠跟香港代理關係融洽又密切，每當有新車面世，都能夠安排香港作亞洲區首輪新車登場；近期歐元滙價高企，廠方為應香港代理要求，重畀到個優惠車價佢哋促銷呢！然而，早陣子亞Mark提過部730Li，以唔使75萬車價作招徠，一時間成為同級熱賣車款之一，惟聽聞呢個優惠快將調升回原有價錢（$924,063）；若然各位車迷，有興趣擁有一部咁有份量、設備又豪華舒適嘅高級轎車的話，就真係有買趁快喇！