現代人生活營營役役，好多時候都喺度趕！趕！趕！可能係因為咁，所以市面上愈來愈多幾分鐘就食得嘅食物。若果將以下食品同時煮，基本上唔使十分鐘就可以食到海鮮意粉，重有燉雞湯㖭！
記者：楊一凡
以往滋補燉雞湯等於慢工出細貨，但時間就是金錢，實在冇時間慢慢等煲湯去滾去燉。最近新出咗隻蔘鬚燉雞湯加紅棗百合罐頭湯，只要放入微波爐叮八分鐘就飲得。
亨氏蔘鬚每罐售$14.50。
3分鐘有意粉食，絕對唔係講笑，意大利Spinosi手製意粉每包都附有建議烹調方式，真正方便。就算你想食小麥意粉，GiovanniPernaDurumWheatPasta嘅成個烹調過程都只係5分鐘咋！
Perna小麥意粉，Great做緊優惠價$10，至八月七日止。
海鮮都有罐頭？係，重要有唔同調味醬汁！德國Hawesta罐裝海鮮系列有好多選擇，淨係鯡魚經已有墨西哥辣汁、美味醬同芥末３種口味。呢隻罐頭即開即食，唔使開爐，不過，如果你好想整熱佢，就當豆豉鯪魚咁蒸吓咪得囉。
Hawesta海鮮罐頭每罐$29.50，Great同樣做緊買一送一。