黃霑前晚在紅館舉行尾場個唱，嘉賓劉德華穿長衫亮相，扮相有點似祥哥。黃霑直指現時的填詞人應「收皮」，又謂有很多錄音室歌手，出碟附送的禮物有如賀年禮盒一樣，似乎對現今的樂壇相當不滿。
黃霑在紅館舉行一連兩場的「黃霑獅子山下演唱會」前晚圓滿結束，他除繼續說不文笑話外，又指現時的填詞人應全部「收皮」，又大彈很多歌手不懂唱歌。
前晚除了葉麗儀、鄭裕玲、鍾鎮濤和鄭少秋擔任表演嘉賓外，劉德華及呂方也有上台獻唱，賭王何鴻燊及四姨太梁安琪、林建岳、林建名與母親、范姜及鍾鎮濤一對子女都有到場欣賞。
為拍戲剃頭的劉德華，前晚以黑色頭巾包裹光頭，再戴上黑色帽，穿一件灰色長衫出場，驟眼看有點似新馬師曾（祥哥），黃霑介紹華仔出場時說：「佢入行廿年，係健力士紀錄大全中廣東歌獲獎最多嘅歌手。」華仔笑說：「當年係霑叔激勵我寫歌詞㗎！」黃霑當年曾批評華仔填的詞，他說：「我話劉德華寫歌詞，不如返去做戲啦，𠵱家寫歌詞嘅都應該『收皮』！」
之後黃霑對另一嘉賓呂方說：「圈中需要啲識唱歌嘅人。」呂方說：「好多人都識呀！」黃霑不屑地說：「你講個名畀我聽，我即刻去買碟。一次，有個姐姐仔送張CD畀我，請我指教佢，點知一打開竟然有洗頭水、潤膚露、海報同明信片，成個賀年禮盒咁，差啲連張CD都搵唔到。𠵱家嗰啲係錄音室歌星，唱唔啱音都唔怕，可以逐個字搬正佢。」查實英皇旗下歌手如容祖兒、Twins和三T的唱片，包裝都如禮盒般。
黃霑又說：「你肯出唱片，我買十張送畀親戚朋友，咁你起碼有十張銷量，所以你一定唔係夜總會捧出嚟嘅。」但黃霑在慶功宴上卻拒絕接受訪問，以免講多錯多，他說：「我想飲茶，唔想飲咖啡。」
鍾鎮濤前晚在慶功宴上，提到去年七月十五日是他舉行破產記者會的日子，他說：「過去一年都幾辛苦，最傷心係有啲熟朋友做咗變臉大師，好似怕我問佢借錢。」
採訪：李珮洳
攝影：何國豪
