傳統沖曬店印埋數碼相已屬大勢所趨，快圖美更先人一步，首創對應手機嘅曬相服務。新嘅快圖美數碼站，可直接以紅外線接收手機傳送嘅相片，簡單幾個動作，就可印出心愛相片，過程簡單兼自助化，即時曬相外，更可揀選燒錄至CD上，令手機嘅拍照功能更為大大發揮。目前對應手機型號以SonyEricsson為主，由加鏡頭嘅T68到最新嘅T610都支援。最正係7月25日，手持有紅外線傳輸嘅SonyEricsson手機到快圖美數碼站，即可免費印製16張1.5"×2"嘅相片，大可試清楚手機自助沖曬嘅質素。除手機曬相外，亦設有七種記憶卡插槽，市面流通之記憶卡制式包括最新嘅xD卡都對應，方便拍友自助式沖曬數碼相。
記者：徐影龍
快圖美顧客服務熱線：31891648