昨日本報報道利嘉兒盛傳接替主持《勁歌金曲》，近日有關方面亦在報章雜誌上刊登廣告，指她是三色台音樂節目呼聲最高的新主持，但及後無綫三位高層、麥浚龍及其父麥紹棠因涉及樂壇貪污案被廉署拘捕，而利嘉兒又因為是麥浚龍胞兄麥俊翹經理人公司旗下的藝人，有傳無綫為怕瓜田李下，決定放棄起用利嘉兒。
對於有關報道，利嘉兒經理人昨日主動致電本報，並說：「佢（利嘉兒）話從來冇同無綫傾過做任何音樂節目主持，亦都從來冇casting過，佢話你哋報道失實，佢當日回應你哋嘅時候唔係咁講。」不過本報昨日報道已清楚指明利嘉兒在接受訪問時，不清楚無綫邀她任主持一事，對有關廣告亦不知情。