鄭秀文（Sammi）昨日到沙田出席其新歌ＭＶ首播會，現場更即時吊起Sammi的巨型拼圖海報，為免發生意外，有關方面特別買了一份保額高達一千萬元的保險。
問到Sammi對於近日有唱片公司及無綫高層涉及樂壇貪污案一事有何看法，她說：「其實𠵱家都未有定斷，總之清者自清。」問到她會否因今次事件而對獎項不在乎？Sammi說：「又唔可以用唔在乎形容，其實我一向都唔係好緊張有冇獎，有當然開心，冇亦都唔會唔開心。」
提到Sammi在剛過去的《勁歌》季選中，因她未能出席令其歌曲不能入選，Sammi聽罷即擺出一副不值的表情說：「吓？原本有嘅咩？哎吔，其實我唔會去調查點解有獎，點解冇獎㗎。」
此外，許志安日前表示會為Sammi調適心情，問到Sammi最近有沒有找安仔調適？Sammi即笑着說不回應。
採訪：胡比攝影：陳慧安