爆機狂迷：炸彈人回歸挑戰任天堂
80款遊戲有排玩

號稱PartyGame之霸嘅任天堂，憑住《MarioParty》同《MadeInWarrio》橫掃家用機同手提機界。估唔到HUDSON都想分一杯羹，派出久違嘅炸彈人應戰，卻收起看家本領炸彈混戰，以八十多款迷你Game跟任天堂直接對撼，當中重加入RPG玩法同收集道具要素㖭，好玩得嚟又幾有新意喎。

記者：徐影龍

今鋪HUDSON呢款《BombermanLand2》，號稱遊戲史上最大型PartyGame，收錄遊戲種類當然唔少，雖不及GBA《MadeInWarrio》二百幾款咁誇張，不過總數都有超過80款咁多，比同屬GC嘅《MarioParty4》六十多款重要多，咁大型演出，喺家用機嚟講實屬首次，而且大部份Game都可二人以上對戰，唔單止一個人玩得興奮，一大班人開Party玩就更加開心。

RPG包裝夠創新
HUDSON為增加遊戲壽命，特意將眾多MiniGame集合，再加炸彈人故事以RPG包裝，不但要挑戰排山倒海般嘅MiniGame收集過關色牌，重要喺BombermanLand不斷收集情報，發掘其他隱藏色牌以進入唔同地方，最終以攞盡125塊色牌為目標，方算真正完美爆機。整個版圖頗大，似足一般RPG遊戲咁襟玩。

搵齊色牌考心思
唔係見屋就入就可以搵齊125張色牌，一開始只有幾間有色牌嘅遊戲屋，要收集更多色牌，就要細心留意特別事件，如途人要求請食雪糕、幫人挖地等，要注意遊戲設有金錢以購買特別道具及技能，如挖地、搬石等絕對係過關必備，若發覺進度受阻，不妨到道具店昅昅，可能有新技巧購買都未定。

精采MiniGame：

遊戲類型：PUZ
對應機種：PS2
遊玩人數：1至4人
售價：$338（行貨）
(c)2003HUDSONSOFTAllRightsReserved