女子組合2R及余文樂昨日到時代廣場出席化妝品活動，阿樂更即席為Race搽唇膏，但表現得雞手鴨腳。
對於麥浚龍（Juno）早前被廉署拘捕一事，Race說：「佢個人本身好nice，但係佢都有好多唔好嘅新聞，希望大家可以多啲欣賞佢嘅才華，因為佢本身跳舞跳得好好。」
問到二人是否相信有人收賄款而改合約，Race說：「合約嘅嘢要經過好多人處理，唔係一個人可以決定。」二人亦表示有關二人的經理人合約，仍未決定是否簽予環球。
此外，余文樂大讚Juno勇敢面對今次事件，他說：「發生事之後Juno可以即刻投入工作面對傳媒係一個奇迹，換轉係我都未必可以處理到，我覺得佢係無辜嘅，希望大家可以畀啲空間佢，等件事過咗我先會打電話畀佢哋。」
採訪、攝影：李珮洳