「呢期冇請上夜總會，冇歌上榜」
黃霑開騷辣盡樂壇高官舞幣案

黃霑在前晚的首場演唱會上諷刺《勁歌》涉嫌賄選一事，他說：「呢期冇請上夜總會，所以冇歌上榜。」霑叔又對梁錦松偷步買車一事說：「成四十萬一個月，重咁貪小便宜。」獲台下觀眾拍爛手掌。

黃霑一連兩晚舉行的「學者靈芝黃霑獅子山下演唱會」，前晚演出首場，嘉賓有葉麗儀、葉振棠、葉蒨文、鄭裕玲（嘟嘟）、鄭少秋、鄭中基、鍾鎮濤（阿B）、譚詠麟和李克勤。霑叔在演唱會中諷刺《勁歌》涉嫌賄選案，又指摘梁錦松偷步買車是貪心的行為。

「唔係就難逃一劫」
當嘟嘟在台上問霑叔廉署可有拘捕其朋友，及他會否小心一點時，霑叔說：「我哋啲歌係自動上榜㗎，我冇請上夜總會，我呢期唔興，所以咪冇歌上榜咯。唔係就難逃一劫，飲咖啡飲到成肚水呀。」
李克勤上台時，則指霑叔替他寫的唯一一首歌曲《鐵膽梁寬》沒有流行過，霑叔指好歌不一定流行時，阿倫即說：「乜唔係關飲茶灌水事咩？」克勤便謂：「冇諗呢啲嘢。」阿倫說：「關啲高層事吖嘛，飲飲吓水就跟咗去飲咖啡咯。」
說到政府高官，霑叔對前任財政司司長梁錦松偷步買車一事說：「嗰啲人幸災樂禍，成四十萬一個月，重咁貪小便宜，我話今日唔講政治，但係都要講正義。」

贈語阿B看開點
此外，阿B上台時，霑叔給他一封信並說：「阿B上半生係所有男人嘅夢想，阿B下半生係所有男人都唔想。」並叫阿B看開一點，指他的經歷似「九龍城甜品──整定」，然後又稱還有一個謎面是「九龍城燉牛鞭」，霑叔指為免教懷人，所以沒有講出謎底，而謎底其實是粗口「整X定」。
採訪：楊潔雯
攝影：林德雄