前晚的黃霑演唱會上，黃霑對着鄭裕玲和葉蒨文（沙麗）口花花，令到兩位阿姐好不尷尬。霑叔對嘟嘟說：「我身體好好，但係嗰度唔得，淨係可以諗。」嘟嘟即指霑叔鹹濕，霑叔說：「做唔到諗吓都開心，我老婆都支持我諗㗎，我都有諗你㗎！」嘟嘟惟有說：「咁我支持你諗咯。」
沙麗上台時，指當初霑叔寫了首《晚風》給她時，還以為霑叔想追求她，霑叔即打蛇隨棍上說：「冇諗過就假嘅，我有諗過同你乜嘢㗎。」沙麗隨即也指霑叔鹹濕，霑叔說：「你唔知咩？全部叻嘅男人都鹹濕嘅啦，我諗你即係尊重你啦。」沙麗指幸好老公林子祥不在場，霑叔則說：「佢喺度我都照講，成日寫歌咁悶，嗰度都要發洩吓吖嘛。」
