黃柏高前晚出席電影《龍咁威2003》煞科宴時直認，去年底曾與無綫高層何麗全出入夜總會，他表示乃正常公關聯誼，所以不會因日前廉署大舉拘捕疑涉及樂壇貪污案的娛圈人士而中止聯誼活動。
金牌唱片公司老闆黃柏高、鄭中基及其父鄭東漢、女子組合MiniCookies成員之一Stephy和黃泆潼等，前晚在紅磡海逸酒店出席電影《龍咁威2003》煞科宴，黃柏高表示前晚十一席煞科宴是由他作東請客。
對於廉政公署日前大舉拘捕疑涉及樂壇貪污案的娛圈人士，無綫非戲劇分部助理總監何麗全亦牽涉在內，對此黃柏高說：「我都有留意呢單新聞，但唔方便作出評論。」
去年底黃柏高曾被拍下與何麗全出入尖沙嘴區夜總會的照片，黃柏高前晚說：「呢啲係正常嘅PR聯絡，成日都有。」對於有指夜總會提供某類服務，黃柏高即說：「我自己就冇，不作評論。」現在處於敏感時期，問黃柏高可會減少這類PR聯絡？他說：「咁多年都係咁，係正常做嘢途徑嘅PR活動。」
對於《勁歌》涉嫌賄選，問黃柏高可覺得應增加該頒獎禮的透明度，減少人為因素？他說：「各大傳媒有唔同嘅遊戲規則，我哋只係會配合。好似商台着重播放率，我哋咪集中搞好啲歌嘅質素，咁人哋咪會播多啲。」
曾任唱片高層的鄭東漢亦十分關心樂壇貪污案，他說：「我睇到呢單新聞都好詫異同可惜，呢單案重調查緊，我唔敢畀咁多意見，我嗰個年代冇咁嘅嘢。」
鄭東漢又表示兒子鄭中基加入樂壇時，他沒有要求圈中好友協助，鄭東漢說：「我冇叫人特別關照個仔，最好係做好自己嘢，音樂同實力先係最重要，我淨係叫佢先去台灣發展，之後要自己執生。」
鄭中基則說：「我次次出碟都唔啱時間，咁耐都係攞過TVB個最佳MV獎。總之唔係自己實力攞獎，攞咗都要攞番出嚟，我覺得千嬅攞獎係實至名歸嘅。」
採訪、攝影：何永寧
