譚詠麟、港台DJ車淑梅及E-Kids昨日到山頂廣場出席「香港弱能兒童護助會」活動。阿倫在台上將E-Kids比喻為被樂壇歧視的一群，希望他們可以由樂壇的弱能變成超能。
對於樂壇有人涉嫌貪污，阿倫說：「點解會有咁多料嘅？我覺得似係有卧底。」至於有傳IFPI開會商討解除涉樂壇貪污案的環球高層陳少寶主席一職，阿倫說：「冇聽過，佢有打畀我報平安，我哋過兩日會食飯。」
問車淑梅可曾有人引誘過她，她聞言即說：「冇，冇，冇人同我講過，我哋有員工指引㗎嘛！如果有人敢引誘我，佢就死。香港有ICAC㗎嘛，其實係冇實力先至要出錢買獎啫。」
採訪、攝影：陳梅香