廖啟智與陳敏兒結婚多年，被視為圈中數一數二的模範夫婦，陳敏兒留在家中專心照顧三名兒子，故一家人的經濟來源便全靠智叔一人支撐。不過，記者昨日接獲消息，智叔與敏兒年僅三歲的幼子，近日不幸患上血癌，令原本幸福的一家五口頓時陷入一片愁雲慘霧之中。
記者昨晚致電智叔詢問其子是否健康出現問題時，智叔沉默了好一會兒才說：「係，多謝大家關心！唔好意思，我𠵱家揸緊車唔方便講電話，你遲少少再打畀我啦！」但記者其後再嘗試致電智叔時，已聯絡不上。
原來智叔與敏兒近日為照顧病榻中的幼子而忙個不了，敏兒昨晚致電好朋友毛舜筠，託她向傳媒說聲「多謝關心」。毛舜筠說：「佢哋第三個仔上星期證實患咗血癌，𠵱家敏兒喺醫院照顧個細仔，智叔就喺屋企照顧大仔同二仔，其實佢個仔嘅情況唔係咁差，未算好嚴重，𠵱家喺醫院做緊化療。」
毛舜筠續說：「佢哋兩個為咗呢件事好煩，心情非常唔好，所以唔想記者打擾。佢哋話呢件事唔想周圍同人講，始終屋企事唔使同人交代，不過敏兒託我同大家講，多謝大家關心，如果真係關心佢哋嘅，就為佢個仔祈禱啦！」
採訪：戴彩煥、馮美茵