新城電台行政總裁甘國亮昨日往尖沙嘴欣賞Joyce時裝騷，就有唱片公司、電視台要員及歌手涉及樂壇貪污案，他說：「呢件事對我哋新城冇影響，我哋下個月重會如期舉行一個國語歌頒獎禮㖭。」
問甘國亮究竟英皇及環球的歌手會否因此事而影響賽果，他說：「賽果𠵱家重未知。以我所知，呢類貪污交易喺新城係冇發生嘅。」
甘國亮續說：「我哋公司上下都有指引，一粒糖都唔收得嘅，受賄嘅人一定冇得抵賴，定期都會有廉署人員嚟同我哋主持課程。如果廉署搵我協助調查，我無任歡迎。」問他當年在TVB有沒有人向他行賄？他說：「我哋呢啲老餅年代個個都要捱嘅，邊有呢啲嘢發生。」
採訪：梁錦雯