呂方與張燊悅前晚到銅鑼灣出席傅珮嘉音樂會，兩人曾任《勁歌金曲》主持，對於廉署正調查《勁歌》涉嫌賄選一事，呂方說：「我不嬲只唱好自己啲歌，件事又唔關我事，唔到我評論，我以前做完節目，拍吓籮柚就走，唔清楚運作。」
被問到是否有黑幕時，呂方說：「主持邊有黑幕，刻薄歌手就有。」作為歌手，呂方會否感到有不公平事發生？他說：「我又冇攞過獎，話買獎都唔知係咪，我係實力派，攞獎唔重要。」
仍屬環球唱片的張燊悅則表示十分關心唱片公司及陳少寶情況，她說：「我聽到件事時好驚訝，我做主持時陳家倫都好錫我，希望佢冇事。」張燊悅曾擔任勁歌主持，對此她說：「我唔知有冇黑幕，從來唔理，我個圈子好細，乜都睇唔到。」
採訪：駱華齡
攝影：何國豪