陳小春： 未入行都聽過，入行後就覺得冇黑幕，有都唔會企喺度咁耐啦！但其他公司就唔知，我相信真理長存嘅，我係打工嘅，老細先至同老細溝通，自己就冇問老細嘢。（公司有否作出任何指引？）我哋唔需要。從來都冇發生過事咁。
黃伊汶： 我噚日（前日）做完嘢搵過少寶，但搵唔到佢，所以我只係send咗message畀佢，大家一家人，一定會allthebest。（有傳有唱片公司高層私下為歌手改合約？）唔知，合約係好機密、好personal，外人接觸唔到㗎！
梁奕倫： 發生咗事都有人話我知，但冇刻意打電話問，我都知公司好忙，忙緊處理呢個問題。
范振鋒： 我有打電話畀少寶，留言話事事順利。
蕭正楠： 我今日喺公司見過李進，但冇刻意行埋去同佢講嘢，呢個時候唔方便問任何嘢，過一段時間先同佢傾啦。信唔信有買獎事件？咁敏感嘅時刻唔方便去講，發生喺我面前嘅事先至會信。
盧巧音： 我喺台灣都有睇到報道，但乜叫『舞影』呀？頒獎禮有冇賄選唔到我理，做好自己工作就得啦！