李嘉誠愛將、和黃前大班馬世民前日出咗一份稿畀傳媒，原因係今年二月，包括本報在內嘅多間本地及國際傳媒報道，話佢涉及一宗同中國大型國企北方工業投資有關嘅官司，當時北方工業入稟向馬世民等人士追討賠償，主要同馬世民喺出任該公司董事期間，該公司聲稱蒙受巨額金錢損失有關。
但馬世民表示從未收到有關入稟狀，而且法庭上周四已頒令，完全終止該宗對馬世民之訴訟。八方聽聞，馬世民目前身在法國，但一收到呢份頒令，即出稿澄清。八方問馬世民點睇香港最近嘅遊行集會，佢話香港人已經表達咗意見，呢個表現非常健康。
傳真︰2623-9278
電郵︰