國際知名書畫家饒宗頤舊年六月親手寫咗張長二百六十字嘅《般若波羅蜜多心經》墨寶，送畀特區政府慶祝回歸。政府為咗有多啲人可以欣賞到饒宗頤嘅作品，決定喺大嶼山昂平附近一處山坡，將心經刻喺二十幾條木柱上，造成大型戶外「心經簡林」。
旅遊事務專員鄭汝樺同八方講，構思心經簡林已有一段時間，選址係由寶蓮寺建議，包保唔會再發生封山事件。鄭汝樺重話，用嚟刻字嘅木係選用一種名叫布邊革嘅木材，堅硬無比，連白蟻都唔會蛀蝕，加埋用硼砂做防腐劑，理論上可永久保存。
（圖）鄭汝樺（右）話「心經簡林」選址由寶蓮寺建議，所以唔擔心再有封山事件發生。
傳真︰2623-9278
電郵︰