數碼通近期異常出位，噚日再推出「天氣女郎」服務，只要你畀十八蚊月費，每朝就會收到一個短訊，身穿比堅尼嘅靚女同埋當日天氣預報由此送上。你重可以日日揀唔同靚女，又可將相片製成wallpaper。數碼通行政總裁黎大鈞同八方講，靚女相相源充足，又唔算暴露。
另外，八方講過佢哋同閣樓合辦嘅「T-Back皇后」選舉，噚晚十點正式開始，八方截稿前未知結果，但知道多間證券行的中外分析員同基金經理都出席，事關鬼佬對此玩意相當受落。
（圖）兩位密實天氣女郎展示數碼通天氣預報服務，想睇火辣比堅尼女郎嘅靚相，就要畀十八蚊月費。
梁鑑章攝
傳真︰2623-9278
電郵︰