港台頒獎禮大會總監李再唐前日舊事重提，促四台再商討舉行聯合頒獎禮，他昨日表示願意作中間人聯絡其餘三台，但新城娛樂台台長質疑實施此舉困難重重，最重要是廣告收益及版權的分配問題。
廉政公署調查《勁歌金曲》頒獎禮涉嫌賄選案，掀起各方質疑頒獎禮的公信力。電台及唱片公司舊事重提，建議四台聯頒才是提高頒獎禮代表性的長遠辦法。
香港電台頒獎禮大會總監李再唐前日提出舉辦四台聯合頒獎禮後，昨日接受電話訪問時說：「四台習慣咗九月左右先開會傾四台聯頒獎項嘅嘢，或者我可以之前聯絡咗先，我都願意擔任呢個中間人，睇吓其他台意願係點，港台就隨時ready（準備）去做㗎。」若舉行一個統一頒獎禮，可會讓亞視、有線、ChannelV及MTV台加入？李再唐說：「要同其他台傾咗先，參與媒介應該有每周流行榜或者相關節目，否則佢哋個機制好難定。」
新城娛樂台台長朱明銳昨日在電話中說：「呢樣嘢九一年左右傾過啦，當時我冇份傾，唔知乜情況。但四個台機制唔同，點定一個四台都接受嘅方法？邊個台執行？我哋有三間商營電台同一個公營電台，廣告收益點計？版權畀邊個？」朱明銳謂新城願意參與討論此方案的可行性，但拒絕表示贊成此舉與否，他說：「等年尾四台開會時可以傾吓嘅，我覺得頒獎禮搵個市場調查公司大規模方法去統計重好。」
商台對外事務總監招雪梅昨日在商台說：「我哋會仔細考慮同積極同其他三大傳媒，喺嚟緊四台聯頒獎嘅會議上研究、討論。」
而無綫電視總經理何定鈞昨日離開無綫時聞得電台有意舉行四台聯頒，他上車前只拋下一句，說：「咁係咪佢哋做埋我哋嗰份？」
此外，港台昨天開音統會，二台節目監製周國豐表示在會中已向DJ重申節目監製應如何處理他們與唱片公司的關係，他又說：「八月開始，唱片公司人員可以為佢哋嘅中文新歌，每星期五嚟介紹新歌和歌手資料，佢哋每次有十五分鐘，我哋好歡迎全台嘅DJ出席去聽。」
採訪：蔡如玉、王連連
