近年多咗人講公司管治及保障投資者，證監會亦順應時勢，製作一套名為《證監透視》嘅短片，用雜誌式短劇介紹證監會工作，等市民知道投訴有門。噚日證監會主席沈聯濤就特別喺中環遮打大廈嘅新辦事處，親身推介。
嗰套劇分九集，由下禮拜一開始，每晚八點半喺有線電視新聞一台播映。如果屋企冇安裝有線都冇問題，因為稍後證監會會製作光碟，八月開始免費派發。以往市民對證監印象最深嘅，可能係「羊太」廣告，將投資者比喻做「羊牯」，今次就唔再現呢啲嘢。套劇由時事評論員李錦洪主持，雖然冇搵明星撐場，但就有幾位證監執行董事親身上鏡，都好大卡士。
傳真︰2623-9278
電郵︰