對於一班唱片公司和電視台的高層被廉署拘捕，不少圈中人對此均議論紛紛。
陳冠希：有搵過楊生（楊受成），不過搵唔到。ICAC冇搵過我，搵我做乜？點解要聯絡我？或者我唔係佢哋經理人公司嘅旗下歌星，好似伊健都冇。我唔知調查啲乜，或者關於利益嘅事，不過應該過埋今日同聽日會冇事。
Shine：我哋唔相信有買獎呢樣嘢，但唔知有乜嘢人牽涉入面，唱片公司叫我哋唔使擔心太多，做番自己就得。
白韻琴：我以前做過《歡樂今宵》，做過編導、編審，亦喺亞視做過幕後，呢啲嘢知得太多，見怪不怪啦。總之世界上乜嘢事都會發生，有錢使得鬼推磨呀嘛！
黎小田：呢件事唔方便評論，唔好擺我上枱，冇特別意見，但通常高層會叫嘅係爭取多啲曝光，可能係食餐飯啫，但一定唔會用錢。