上年世界盃決賽完畢，TVB錄影廠內，一大班球迷圍着李克勤、林尚義簽名影相之際，一個女球迷在人群中找到鍾志光，「鍾仔，我好鍾意你呀！你講波啲資料好豐富，令我識多好多嘢！」這刻，他發現，比賽前用十多小時找資料，熟讀球員八卦新聞，也有價值！
鍾仔評自己為「書院派」講波佬，不只講球賽實況，還要適當時候補充球員、球隊資料。好多人都覺得好悶，曾被人譏笑「無料到」，但他卻不以為然：「喺TVB，要講比賽技術，我點及大哥瑜、阿叔，人哋係名牌足球員，我唔係唔識，但無說服力！要突圍，須自創風格！」智者擇其道而行，理所當然！
講了十多年波，鍾仔依然鍾意做講波佬，可是TVB愈來愈少足球節目，他也擔心最後被淘汰：「都唔驚得咁多，嗰時候咪選擇退休囉！」
記者：招佩珊 攝影：梁細權、林栢鈞
認識阿康十多年的人，也不知他是個瘋狂賭徒。「有次過澳門，嗰晚有六、七十個波盤，我全部買晒，平均計每個盤$300，都押咗兩萬有多！兩分鐘畫完飛仔，連個盤開乜、買邊隊，都唔知！」我估計，都是輸少贏多，他卻不服：「賭波有樣好，買多幾個盤，實有一、兩個有收穫！」死撐最後都要招供：「嗰晚，收番都無二十分一！」
98年世界盃，阿康話貪玩開始賭波，運到不能擋，一路贏到準決賽，最後在決賽巴西對法國落重注，結果與數以億計賭徒一樣，輸到眼光光！「風流錢，賭一千幾百好易贏，無壓力，輸咗都冇計；賭身家，無運就無運，輸梗！」多次賭身家慘敗後，他的病態也開始有好轉！
雖然輸過身家，阿康常說自己好命，識得節制，道理是：「我唔上網賭、唔碌卡，次次去澳門畀現金，輸晒兩袖清風，最多第二場再玩過，唔會一身債！」但願八月後，他還有這個堅持！