正值香港暑假時分，潛水位選擇真係買少見少，因為時值風季，除咗風高浪急時出海帶有一定危險性外，亦會因為海水變得混濁。好彩位處馬來西亞嘅詩巴丹Sipadan重係潛水好時候，而且係睇大魚，探望海龜大家族嘅好地方！
詩巴丹唔似其他地方，要定時定候喺海灘伏住等海龜媽媽上嚟產蛋，重要圍晒欄杆觀賞！詩巴丹幾乎每晚都有海龜爬上沙灘產蛋，龜媽媽為防範龜蛋被雀鳥偷食，會將佢哋埋喺沙內，而島上負責人則會將眾龜蛋放入鐵絲網內，慎防被遊客踩爛！
而潛入大海，喺DropOff（即有突然下墮地勢）地點下面，就係其中一個必潛熱點──龜塚TurtleTomb，水深處約60呎，不少海龜在此流連，但同樣有很多海龜殘骸，究竟係海龜迷路抑或佢哋選擇於塚內了結餘生至今仍是個謎。
除咗海龜，DropOff位附近重有各種類嘅海洋生物，而且各潛水位都有唔同景觀，例如成千上萬嘅魚參魚、蝙蝠䱽，以至鐵頭魚，唔食肉嘅豹紋鯊等等。想潛多幾次唔使肉痛！呢度只要你有時間又有氣力，由朝潛到晚都係計一次錢，真係勁抵玩！島上嘅AbdillahSipadanParadise度假村提供簡樸潔淨嘅酒店設施，你可從度假村嘅聯絡公司查詢當地潛水資料，亦可從香港買個Package，唔使煩嘛！
簽證：持BNO、特區護照者遊馬來西亞免簽證，CI持有者則須辦理。查詢：28210800（馬來西亞領事館）
套餐：可購買6日5夜的詩巴丹潛水Package，價錢$7,380已包括由香港至詩巴丹嘅所有交通配套、早午晚餐、酒店住宿、潛水器材等（至8月底）查詢：29261668（SunnSeaHoliday），網址：
初次潛入紅海，都會被那千變萬化、萬紫千紅的海龍宮所震撼。原來，沙漠中的海洋綠洲有一海洋，珊瑚礁、魚兒和海豚正生生不息，還未感受過這驚豔，或會是潛水愛好者的一大遺憾！
紅海是個近乎封閉的內陸海洋。海水源頭並非源自山脈或河川，加上沙漠性氣候居住人口低，污染大大減少。含鹽量極高的紅海反而造就了獨特的生態環境，海水的透明度經常保持10至50米深是潛水熱愛者的天堂。
紅海的珊瑚數目跟馬爾代夫叮噹馬頭，珊瑚礁總數逾200種。珊瑚品種繁多，其實也要多得炎熱的天氣和紅海海底深淺水交界明顯，賦予了完美的珊瑚生長環境。
簽證：持特區護照免簽證，持BNO及CI則須辦理。查詢：28270668（埃及領事館）
機票：乘新加坡航空經新加坡往開羅，$4,120（海灣航空）一個月效期。查詢：23900421（學聯旅遊）
住宿：PyramisaSharmEl-Sheikh，地址：SharmEl-Sheikh,Egypt，電話：（20）62-601091，宿費：雙人房100美元起