雖然香港經濟未見復甦，惟每趟寶馬代理以優惠價推售新車，外間都有唔錯反應，正如亞Mark上個星期同大家提及過嘅寶馬320iA，以一台2.2公升直6偈（馬力170匹）作主打，匹配5前速Steptronic半自動波，有齊真皮座椅及一切豪華及安全設備，車價都不過係29萬9千幾，加埋原廠電天窗都只係畀多8千蚊，即時引來唔少買家落定，而原有30部限額唔使一個星期就經已售罄，可想而知係幾受用家歡迎呢！
有見及此，聽聞代理得廠方首肯，再度加推多20部配額，以現今歐元高企嘅環境下，可以用咁着數嘅價錢，擁有一部高性能行政座駕，真係要買趁快喇！