呢排最熱門嘅遊戲，就係玩「尋找下任財爺」，有人貼前工商局局長周德熙係大熱之一。舊年特首四周搵人埋班之際，儘管周德熙表明有意，坊間又公認佢係有料之人，唔知點解都被阿董閒置，慘成「棄卒」。唔知周生今次會否不念舊惡、臨危受命？八方噚日下午睇電視直播特首記者會之際，急急打電話畀周生問個究竟。
周生竟然話佢睇緊電視播英國高爾夫球公開賽，啱啱輪到老虎仔活士開波，一聽八方問到有冇興趣做財爺，佢即刻話唔講呢啲揣測性問題，講講吓又爆多句：「董生冇搵過我。」
世事難測，一年前周生想做又冇佢份，最後證明阿董無知人之明，但到咗呢個地步，重邊有叻人肯蹚這渾水？
傳真︰2623-9278
電郵︰