陶喆一直以來都甚少傳出緋聞，但早前他於台灣被拍下與一名叫Joanna的女子出入其寓所，二人舉止恍如一對情侶。不過，陶喆指該女子只是他的familyfriend，他更表示自己連慶祝生日的時間都沒有，所以他希望於明年年底放大假時順道尋找合適對象。
陶喆以往很少披露自己的感情生活，他坦言以往亦有不少戀愛經驗，他日前在港接受訪問時以流利的廣東話說：「我知道愛情要嚟嘅時候，擋都擋唔住，但係我呢一刻真係冇時間付出，做我女朋友會好可憐，因為我冇時間、冇精神可以付出畀佢。」所以，他期待明年年底可以放大假，到時陶喆打算拿着相機到某一個地方拍照，他說：「呢一個可以話係我嘅夢想，我諗到時我會有時間搵埋女朋友。」
陶喆一直不太喜歡別人提起其父、資深媒體製作人陶大偉，他解釋：「由於我父母嘅形象同成績都好好，我作為佢哋嘅仔自然會有壓力，我好怕俾人話一代不如一代、話我做得唔夠佢哋好。細個我同爸爸出街時，有人叫佢簽名，我會覺得好討厭，覺得冇晒私隱。」
陶喆透露有一年其父於洛杉磯駕車送他到錄音室工作，其後發現父親在他的筆記簿上留了一句話，他說：「當我睇到佢寫住一句『Son,I'msoproudofyou』，嗰一刻我個心好似停咗咁樣。」
而陶喆又大爆於洛杉磯畢業後，竟瞞着父母去當差，他笑說：「我嗰時日日五點半就出門口，我媽咪都有懷疑過，我就同佢講我返工嘅地方好遠，直到一年半之後，我先同佢哋講我去咗做差人，當時佢哋都俾我嚇到呆咗。」
採訪：李珮洳
