最近有外國傳媒報道，話日本富士車廠（Subaru）正有計劃於2005年左右，推出一款全新SUV車系，實行與越野路華（LandRover）對着幹咁話。雖然呢款全新SUV車系暫未有確實名稱，但該消息指新車將會用上同廠新款Legacy作為設計平台，而引擎更會起用一台廠方現正落力研製嘅3.0公升水平對向六汽缸型號，馬力輸出動輒高達250匹，另外重有3.0公升型號供用家選擇，但屬實與否仍有待廠方公布更多資料後方可作實。另外，從預想圖中可以睇到，新車外形極富肌肉感，展現出一份剛強個性之餘，亦令造型變得極具吸引力。有興趣嘅車迷，記住留意日後關於此車嘅消息喇！