一夜之間，行政會散晒。繼田北俊之後，葉劉淑儀及梁錦松皆黯然而去，佢哋離開阿董嘅原因雖各有不同，但有樣嘢就三個人都一樣──就係三位都揸保時捷。難怪有人話，行會中人，勿揸波子；要做財爺，莫置「零智」。
董先生噚日話，誰人入閣已心中有數。以特區政府民望之低，相信要覓得良才，並唔容易，可能又要勞動阿爺出手，搵人捱義氣。至於具體點揀，經過去年之教訓，睇怕卻會選到有能又有德嘅人才。當然，亦可睇睇佢哋揸咩車。
經濟凋零民生艱困，你就揸架波子四圍飛，係咪同民情有好大距離呢？
（圖）周梁淑怡亦係揸波子！好彩佢唔係行會中人。
傳真︰2623-9278
電郵︰