楊紫瓊昨日偕男友鍾再思遠赴日本，為電影《飛鷹女俠》拍攝外景。一向不談政事的楊紫瓊，被問到對二十三條的看法時，她說：「我唔會支持，我覺得政府要立呢條法例，最好多徵求民意。」對於前日兩位問責高官先後辭職，她說：「我都係從朋友口中得知，不過件事我唔多清楚，好難評論。」
對於任賢齊亦前往日本參加拍攝工作時，楊紫瓊表示：「小齊同我喺日本拍攝嘅戲份唔使打咁多，我相信會比較舒服，早排喺上海同北京拍外景時，因為天氣太熱，又多打戲要拍，我足足瘦咗成六磅，又加上受沙士影響，內地拍攝亦受阻，所以影片上映日期會押後到聖誕後。」
此外，鍾再思表示：「因《飛鷹女俠》阻遲咗，所以原本八月開嘅《花木蘭》就要押後開，因為咁樣，周潤發可能未必遷就到期拍呢部片。」