打救女人！

做女人真係好麻煩，除咗時刻要以最佳狀態示人之外，重要針對好多女人獨有嘅大小毛病嚟調理身子。以下兩條食療偏方，供各界女士參考，祝願大家天天無病痛，日日都咁靚！

記者：吳佩璇　攝影：周旭文
資料提供：關之義中醫師《OL水嫩肌膚手冊》

調經養顏酒
以下小偏方，不但補血養顏，滋潤肌膚，經常飲用更可使人血氣充沛，女性飲用有調經作用。

材料：
米酒6斤、黃精4両、龍眼肉2両、南棗4両、黑豆4両、當歸頭1両、杞子4両

做法：
1.毋須下油於鑊中，將黑豆炒至豆衣裂開。
2.所有材料洗淨後，加入米酒浸透以上材料，隔水蒸30分鐘，取出放涼。然後放入瓶內，注入米酒，密封瓶口。浸泡10天便可飲用。

專治暗瘡　海帶綠豆糖水
天氣又熱又翳，最容易爆發暗瘡！相信好多人都知海帶及綠豆都有清熱、解毒作用，用來㷛糖水，就更啱這悶熱天氣飲。此糖水除可防治暗瘡，還可治療皮膚乾燥痕癢、喉乾唇燥等症狀。

材料：
綠豆3両、海帶2両、陳皮1片、冰糖適量

做法：
1.海帶先用清水浸透，並清洗乾淨。
2.所有材料先用猛火煲滾後，再改用中火將綠豆煲至腍爛開花便成。