患嚴重風濕病的阿玲，一家五口近日獲房屋署體恤分配公屋單位，得以減輕租金負擔及找到安定居所。奈何阿玲靠綜援金勉強維持家計，無力應付搬遷的龐大支出，且缺錢為七歲長子訂購新校服。蘋果日報慈善基金即時撥款，助飽受貧病交煎的阿玲解決經濟困難。
四十二歲的阿玲向到訪記者訴說：「呢座唐樓經常有閒雜人出入，環境又污穢，唔似得公屋單位地方新淨，而且租金合理。所以我收到房署通知可以『上樓』之後，真係想即刻搬，可惜自己冇錢搞搬屋！」
阿玲曾先後任職製衣廠及酒樓女工，刻苦耐勞；近年飽受病魔折磨，才被迫停止工作。面色欠佳的她歎謂：「我生咗大仔冇幾耐就去酒樓返工，勤力搵食，好少休息；直至兩個孖仔出世之後，我周身風濕骨痛得好犀利，至冇辦法繼續做嘢。𠵱家就算大熱天時我都成身痠痛，經常腳趾抽筋、兩隻腳由骨裏面痛出嚟。醫生話我嘅症狀係產後風，冇得醫；咁我惟有靠搽藥油令身體冇咁唔舒服。」
阿玲育有三名兒子，長子現年七歲，就讀小學二年級；一對孖生稚子未足兩歲。近年阿玲的丈夫只能在內地覓得散工糊口，收入極少；阿玲目前需靠綜援幫補家計，生活儉樸。「我自己唔食早餐，中午多數食粥或者米粉，晚餐至煮菜同蒸隻蛋送飯。另外我好少帶大仔出街玩，免得要使錢。」
阿玲稱，她最感安慰的是，長子輝仔一向專心讀書，成績優異。「輝仔自細識得自動自覺做功課同溫習，佢上學期考試考到全班第二名、全級就第三名，令我好滿意。佢又好生性，平時見到好鍾意嘅玩具，都唔會扭計要我買畀佢。」
在社工協助下，貧困阿玲一家近日獲房署體恤分配公屋單位，得以改善生活及解決長遠居住問題。惟阿玲苦無積蓄，正缺錢應付搬屋開支。「搬屋要使好多錢，包括要畀新屋嘅水電、煤氣、屋租等幾樣按金；要搵人搬電話線、拉電線同裝光管。要幫輝仔轉校同買過套新校服，雖然綜援每年一筆過發放讀書津貼畀輝仔，但根本唔夠用，所以𠵱家我要借錢搬屋、兼且幫個仔買套新校服。」阿玲坦言。
按現行條例，社會福利署只會向領取綜援的長者及殘疾人士發放搬遷津貼，阿玲雖然每月獲發租金津貼，但將不獲助遷居。
蘋果日報慈善基金了解阿玲一家苦況後，即時撥款一萬元，助阿玲支付搬屋及長子的校服費用，紓緩其經濟壓力。捐款編號：C1029
暖流熱線
電話:29908688
傳真:23702192
電郵:
網址：
