近期腦場熱賣主機，呢款精英EZ-5000BarebonePC一定有份，全鋁金屬外殼加埋機面個溫度顯示器，有幾分似座枱冷氣機，其實機面粒藍光旋轉鍵係可用作直接調節CPU執行頻率，唔改動BIOS就直接玩到超頻，提高電腦嘅效能。機面控制面板重特別有一個EZ-WATCHER監測系統，可以用圖像標示出CPU及系統溫度、主機板、記憶體、硬碟、光碟機的運作情況，確保電腦處於最佳狀態。小記見到呢部行IntelCeleron2.0，以機身內置的超頻功能及強力散熱系統，輕易超至2.4G，非常穩定順暢。
此外，外置Port位USB2.0有成4+1（一組在機蓋面板前），LAN都有，可惜冇IEEE1394，機身內預留擴充插槽，分別為一條4XAGP插槽、一條PCI及CNR擴充槽，以Mini主機板嚟講，算係有交代。
記者、攝影：朱崇德
逢星期一至五出版