中電喺沙士後即推出電費回贈，令好多九龍區市民受惠，八方有好多住香港嘅朋友，都好羨慕。繼上次回贈電費後，中電公關同八方講佢哋最近又搞新優惠，希望幫手刺激吓消費，但今次中電唔係自己掏荷包，而係搵咗埃克森美孚同新鴻基地產合作。
中電公關提醒八方，記住留番張印有「二零零三特別回扣」字樣嘅六、七月電費單，因為攞住張電費單去新地旗下五個商場或者去埃索油站，可以換兩套優惠券；其中一套喺新地旗下商場用，有購物優惠；另一套喺埃索油站，畀二百蚊加張優惠券，就入到價值二百二十蚊嘅油，對於要養車嘅人士，一套五張油券，就慳番一百蚊油錢。
傳真︰2623-9278
電郵︰