刻下的你和我，最需要歡笑聲。玩玩玩玩玩，郊外人少，就到郊外玩吧。這不是世界末日，可以的話，玩多點，最重要笑多點，人就會開心點。
「教靚女釣魚，好開心呀，Yeah！」歐陽老頭風趣鬼馬，自封「無敵雙竿手」，只見他咬着香煙，左右手同時拋絲放餌，吞雲吐霧間，魚訊到，發力一扯，雙竿竟同時有魚上釣，不得不服！二女拍掌叫好，他更囂張：「魚毛仔！無癮！下次釣兩條大魚畀你兩位靚女睇。」
40萬平方呎魚塘，話事人歐陽老頭說：「家族喺天水圍開魚塘過百年，𠵱家啲後生唔做咯，我鍾意養魚，退而不休，咪開間釣魚場過吓癮囉。」玩的是台釣，用的是12呎魚竿，釣的是鯉魚、鯪魚、鯇魚、福壽魚、白鯽、大頭魚、塘虱、大鱔、珍珠鱲，算你是初哥新手，敢保證一定滿載而歸，何解？歐陽老頭說：「釣唔掂搵我，我實教到你識釣為止，三五七斤收穫走唔甩。」
店名：大尾篤魚場（26626351）
地址：大埔大尾篤道28地段11A
收費：非會員全日$110（假期）、$95（非假期），會員$90，包絲、竿、餌。
營業時間：星期一至五上午8時至晚上6時、3時至晚上10時。
到大尾篤踏單車，路線有二，一上船灣淡水灣大堤壩，行程約30分鐘；二直出大埔，踏快點，個半小時抵達，租單車也有海鮮價，別忘講價。
店名：龍記單車（26625266）
地址：大尾篤汀角路龍尾村
收費：星期一至五大車$50，細車$30，星期六及日大車加$10，細車同價。
大尾篤最新BBQ場，情侶檔，Johnny與Mideco雖是老闆卻熱情有禮，喜與客人聊天。玩飽，肚子未飽，燒烤當晚餐，也是不錯的選擇。
店名：燒閒站（26625328）
地址：船灣布心排村6號
收費：星期一至五$60，星期六及日$68，包豬扒、牛扒各1件；雞翼、腸仔、金沙骨各2件；魚丸、牛丸、墨魚丸各2粒，飲品1罐。
大埔簡簡單單一條汀角路，除了可入三門仔，有得扒艇仔，吃美味海鮮！必到還有打高爾夫球！
玩Golf最低消費$12玩足1小時，價錢確實大眾化。全場有145條發球道，擁有全港唯一的真草三桿洞練習場，Elaine在打，珊珊在算：「29、30、31……你都好渣噃。」三桿洞規定三桿進洞，有打高爾夫球經驗的Elaine也用上超過30桿始上果嶺，球進洞的一剎，珊珊一手把球截住，說：「係都唔畀你得逞！」
發球道：一小時$12
30個高爾夫球：$12
租桿：1支$12（按金$300）
果嶺：1小時$12
沙地：1小時$12
三桿洞：半小時$60
一小時任打：$48
車位：150個免費車位
店名：大埔船灣高爾夫球練習場（26609222）
地址：大埔汀角路70號
營業時間：7:30am至10:30pm
收費：以下為一般費用，60歲以上人士及全日制學生於優惠時間內有半價優惠。（星期一至五7:30am至6:30pm及星期六7:30am至1:00pm）