德國福士汽車於中國國內嘅市場佔有率日漸上升，就連於國內生產嘅汽車數目，預計亦會由年產約800,000部，於未來五年內激增至約1,600,000部，同時亦代表咗廠方分別於中國上海及長春嘅合作計劃取得成功。另外，由於現時與中國第一汽車集團聯營嘅一汽——大眾汽車有限公司，位於長春嘅廠房未能應付日後產量大幅提升嘅需求，故此一汽——大眾便決定於長春興建多一個汽車生產廠房，並已於7月15日進行奠基儀式㖭！預期新廠房會於2004年底至2005年初可正式投入運作，而年產量則約為330,000部新車。與此同時，福士亦宣布會於國內正式推出備受全球車迷追捧嘅Golf車系，並由一汽——大眾位於長春嘅廠房製造，預料2004年銷量可達約50,000部之多。