「我腰骨、盆骨同大腿冇力，連對手同膊頭嘅活動能力都愈嚟愈差，所以我好需要一部電動輪椅，助我解決出入困難。」阿文訴說。
二十六歲的阿文，十年前證實患上遺傳性肌肉萎縮症，自此飽受頑疾折磨。「最初我隻左腳經常冇力，漸漸我成日控制唔到對腳郁動，行路好遲鈍。𠵱家我行路嗰陣要頭向前望、上身彎後嚟平衡身體，行得好慢同好辛苦；最麻煩試過好多次俾趕路嘅途人碰倒，或者因為睇唔到腳下啲沙石跌喺地，跟住就完全冇辦法自己起番身，一定要人扶起。」
職業治療師近月為阿文進行評估後，建議他購買一部價值一萬四千元的電動輪椅上班及覆診，免生意外。奈何阿文任職文員收入偏低，難有積蓄；自文父早前失業後，一家五口經濟非常緊絀，實無力負擔購買電動輪椅費用。「我份人工每個月夠我搭車返工放工同食用，已經好難有錢剩。爸爸做開廚師，前排失業之後，成頭家嘅開支就靠細妹做旅遊業文員勉強應付。」阿文歎謂。
阿文盼獲讀者慷慨伸出援手，助他早日有部代步工具。捐款編號：C1004
暖流熱線
電話:29908688
傳真:23702192
電郵:
網址：