就昨日一班唱片公司高層、歌手及電視台高層被帶返廉署協助調查一事，不少歌手及電台員工等都紛紛表達意見。
新城娛樂台節目總監朱明銳 ：我冇嘢講，唔信有咁嘅事，亦唔方便回應。
港台機構傳訊總監戴健文 ：廉署冇人聯絡我哋嘅同事，亦冇人接受調查。港台歷來對頒獎禮有一定透明制度去選，冇牽涉商業利益，我哋亦經常提醒同事睇吓有冇牽涉利益，公營電台有嚴謹員工守則。
商台對外事務總監招雪梅 ：公司冇同事被邀請助查，廉署亦冇接觸任何人，件事唔方便評論。
2R的黃婉君 （Rosanne）：係咪好大鑊㗎？做歌手要憑實力去攞獎，我哋新加坡冇呢啲嘢。
2R的黃婉佩 （Race）：乜𠵱家唔係投票咩？
梁奕倫及范振鋒 （DoubleR）：今朝有睇新聞，好似Juno都有份，咁即係傾吓偈啫。
梁繼璋 ：未清楚詳情，但公司應該冇人協助調查，因為一返到公司，啲同事都喺晒度，亦唔擔心影響形象，因為清者自清。至於有指是關於頒獎禮買獎，唔方便答，我唔清楚。
車淑梅 ：我係做《十大中文金曲》主持，冇牽涉頒獎禮，希望件事快啲水落石出。
黃柏高 ：唔知發生乜事，亦冇慰問陳少寶。至於買獎有無存在，我唔識答，乜都唔知。