香港電台早排喺網頁邀請公眾提名抗SARS傑出人士，經過評選團一輪審核之後，噚日公布咗一批入圍名單，八方好有心機咁去睇晒成個候選名單，發覺大眾市民心目中嘅英雄都唔少，梅艷芳、鄭經翰、淘大業主委員會主席葉興國都被列入候選名單，偏偏就係見唔到衞生福利及食物局局長楊永強個名。
至於早排忙到換季都唔得閒，熱辣辣重着住件皮褸嘅衞生署署長陳馮富珍醫生，都只係掹車邊，連同林鄭月娥、羅范椒芬、李麗娟，成為護幼四大美人組，一齊因倡議成立「護幼教育基金」，先至可以喺非醫護科技人員組別獲提名。
所以話呢，公道自在人心，究竟政府喺今次沙士疫潮做成點，一遇到民意選舉，全部現晒形。
傳真︰2623-9278
電郵︰