【本報訊】保安局局長葉劉淑儀被形容為「掃把頭」的髮型，眾所周知是來自坪石邨的平民髮型屋，雖然街坊都認為葉太平日待人有禮，但對於這位經常予人霸道之感的局長，街坊們大多「大義滅親」：「以事論事，佢做嘢嗰個樣真係好乞人憎，睇見把幾火！」
葉太最喜歡光顧位於坪石邨的高氏優美髮型設計髮型屋昨剛巧休息，毗鄰的金華茶餐廳經理陳先生說，葉太最愛星期日中午到髮型屋剪髮，有時會順道光顧茶餐廳，叫炒飯或少糖咖啡；他說葉太初時有付數元貼士，後來熟絡下來已沒再付：「佢都幾有禮貌㗎。」
不過，報紙檔老闆娘郭太則認為，葉太在立法會與議員針鋒相對，以及推廣《基本法》23條時，都顯得態度囂張：「睇到都把幾火呀！」她說自被傳媒大肆報道後，葉太已不多在邨內出現。一間茶餐聽的侍應李小姐對這位偶爾出現的局長「貴客」亦不留戀：「做得唔好梗要走！最好搵個好啲返嚟，搞好香港。」不過，居民林先生認為葉太只是「俾特首攞嚟祭旗」。