蘇澤光噚日以地鐵主席身份見記者，除咗講公事，更主要係講拜拜，下個禮拜佢正式休假，結束八年嘅地鐵歲月，至於幾時去電盈上班，明晚就知。
蘇澤光話最大嘅遺憾係搶唔到沙田中環線，八方就覺得更大嘅遺憾係，八年功勞換一份義工都換唔到，你唔收錢人家都唔畀你做主席。
提起電盈同蘇澤光，忽然想起張永霖；佢本來係電盈副主席，但一直不得意，自比青樓名妓，但做唔成紅牌阿姑惟有引退，目前未有着落。有老友話，7.1日大遊行，張永霖喺金鐘，佢冇份遊行但就有份睇，而且重感動到熱淚盈眶㖭。
人事紛紛亂，但此地不留人，自有留人處。
（圖）自比青樓名妓嘅張永霖，果然感情豐富。
傳真︰2623-9278
電郵︰